الطيابة
أنا الكلام والابتسام
والطبطبة وبرج الحمام
أنا حلم أبيض فى المنام
أنا قلب بيساع الآلآم
لكنى مش فارس حصان
مش واد فتك ولا دون جوان
أنا فى الزمان ده ماليش مكان
***
أنا الطيابة والحنان
أنا الشجن والاحتضان
انا الأمان مش الجنان
أنا نهر مش بحر الكوارث
أنا زرعة تكبر ف المدارس
أنا لسه دنيا جديدة خالص
***
أنا روح بتشتاق للسعادة
أنا قلب يكبر كل مدى
أنا مش زيادة أنا قهوة سادة
أنا الوليد قبل الولادة
***
أنا الوتر وسط الصخب
وأنا الهدوء وسط الغضب
وأنا الشجر وسط اللعب
وأنا القلم وسط الكتب
وأنا المطر تحت السحب
***
أنا أنا ... غلبان و محلا غلبنا
قصقت ضفرى بقلبى أنا
وقتلت جوايا الأنا
والغل جوايا اتفنى
أنا بالطيابة أدفى أنا
***
السوق كبير ومافيش زبون
ولا حتى بياع للجنون
ولا حاوى يلعب بالظنون
ولا الأمير ولا الغفير
ولا حتى عندى مقام كبير
ولا العبان و لا القدير
ولا شيخ ولا راهب ف دير
ولا عقل يروش ولا بير
ولا عضلات ولا واد خطير
***
أنا أنا
أنا الهوا
أنا نسمة طايرة ف الهوا
هييجى يوم و تقبلى
تبقى الدوا وأبقى الدوا
هييجى يوم وترجعى
الكون الى يوم ما ارتوى
هييجى يوم و نكمل الناقص سوا ...
7 comments:
i think that u wrote these words before ur life began aslan,am sure en kol da mesh aktar mn kalam,so hwa elshe3r by3abbar 3an wake3 el2ensan walla elle kan bytmanna eno yekon elwake3.
regards,
i wrote the poem after a big catastrophe in my life, not letting myself to adopt bitterness. i really try to search about the light in the darkness and glorify the good things in me and in things and people around me
may be...dayman by7ayarny mada ma fe da7'el el2ensan men mesaleya wa ma yazhar menha fe3layan 3ala el7a2e2a...wa hal beyazhar la enno sa7 fe mogtama3,mafesh 7aga tet3emel 3'er keda aw la 2enno fe3lan moktane3 beh.i hope that u get my point.
regards,
اول طريق للوصول لما نبغى ان نتمثل ما نحلم به
عموما شكرا على الاهتمام و على فكرة حاولت ادخل على البروفيل بتاعك لم استطع
يا ترى ليه؟
مش عارفة ممكن تجرب تاني بس عموما انا لسه عملاه جديد.العفو طبعا بس انا عموما بهتم بكل مايخص الانسان من الداخل لاني مقتنعة ان مفيش انسان شرير لكن دايما الانسان بيقع في غلطات كتير وبيتمني يرجع زي ماكان ..ده اللي خلاني احس ان الكلام ده ماتتمني ان تكون .وليس ما انت كائن عليه.بس كفايه الامنية وانشاء الله توصل
أعجبتني رهافة الحس وبراءة الأحرف ..
صح لسانك
الطيابة ؟؟؟ايه الكلام القريب دا -وأحاسيس جديدة قديمة أوى زى الكنوز كلها براءة زى الندى وشقاوة الطفوله والصبا وبين السطور بقفش فضفضة -على فكرة أنا اتفاجئت جدا ومستمتعة قوى بالفضول الغريب اللى بتخلقهولى كل قصيدة و الحالة المتميزة اللى بتنقل لها كل مرة وبتدخلنى فيها بسلاسة وطيابة - بجد مبروك يا أحمدواستمر فى الاتجاه دا بقوة وطلع كل اللى جوة
Post a Comment